प्रवास

प्रवास

सरणाच्या वाटेवर जाताना मी
माझाच पसारा त्रयस्थपणे पाहीला.
सोयरे पाहात होते कौतुकाने
आणि वैरी कुत्सीताने
परक्यानी कुतहुलाने .

पण तेंव्हाच सरणावरच्या मला जाणवले
विश्वाच्या खिजगणतीतील तो पसारा
माझाच होता एक बुडबुडा....
माझ्यातल्या मी पणाचा .....

अन करताना विचार त्या
सरणावरच्या पुनरानलोकनाचा
पण नाही वाटला खेद अविचाराचा
वा विषाद निर्णयाचा

कारण तो बुडबुडा होताच जणू
उसळल्या उद्वेगांचा,
 उन्मुक्त विचारांचा
उनाडल्या उन्नत   उत्तुंग भावनांचा
अर्थ , मन व शरीरापल्याड
अस्पर्श आत्मिक आनंदाचा.

प्रशांत पेडणेकर.
जुन २०१६