बसला होता सांगत तो
व्यथा या ईयरएंडची
८० ए टु जीच्या धुरळ्यात
आनंदाच्या दि एंडची 

म्हणाला मी पण मोजताेय
तेच दरवर्षीचे हिशेब .......
खतावनी बदललीय पण.
बदल नाही विशेष..

१० टक्क्यावरपण जात नाहीये.
दु:खातील सुखाचा रीबेट
मात्र नात्यांवरील कृत्रिमतेचा
सर्विस टॅक्स वाढतोय 
बजेट दर बजेट..

जसा पाउस झालाय एलटीएगत
कधीतरीच देतोय रिटर्न
तसं आयुष्याचीही संपतय मस्टरवर 
करत स्टॅडंर्ड डिडक्शन
होईल का कधी सगळच
परफेक्ट रिकंन्सिलेशन..

म्हटलं त्याला कशाला कॅल्क्यूलेशन 
अन फुकाच उप जिवीकेचं टेन्शन 
प्लस मायनस पेक्षा महत्वाच 
आयुष्याचं सेलिब्रेशन...

प्रशांत पेडणेकर